ARK: Survival Evolved

[Master(G)]

isch das guet??
öppe 40% vo minere friendlist im PSN spielt das spiel.... jede abig! WTF!?

sogar de lando spielts - und de spielt suscht ned grad viel!

cha doch nüt sii......................


Quelle

gseht zwar no hübsch uus... aber gseht au nach some ändlos-spiel uus...

wer spielt das vo eu?
wie isches?
framerate nimmt mi wunder. rucklet sicher wie blöd

[TypeJ]

de Lando, sin Brüeder und de Mish spieleds jede verfiggti Tag!!!
es macht mich hässig do sie darum nüme BF spieled

ich hans kauft wegem Gruppedruck und i hans mit 2h welle schön rede...aber ich haltes ned us!!
scheiss crafting games, isch halt wie Minecraft Abfall!
es gsehd teils sehr super us, teils au mega wüescht!
für mich isches s'Abbild vo LANGEWEILE

[Master(G)]

genau das!

ich glaub, ich würds au ned ushalte...

ich wirde demfall dem gruppezwang widerstah
wieso ich überhaupt drüber nahdänkt han laht mich a mir zwiifle... vor allem hani ja no Dishonored 2 und Infinite Warfare woni sött spiele.

[TypeJ]

die hend scho e riese Basis baue, hend en TREX zähmt, en Megalodon au, hahaha
aber ebe, jedesmal weni doch mal husch joine, denn willi noch 2minute wieder disconnecte und go bf spiele

[Master(G)]

ich bliibe bim BF1... jetzt wos wieder so super lauft sowieso.

rucklet ARK dänk?

[Buccaneer]

Gad es Review glueged. Ruckled wie Sau!
Aber wür mi prinzipiell scho interessiere. He hallo? Sandbox game mit Dinos?
Aber gseht chli unfertig us. So wie tusig ander Survival Games.

[rebornkid]

de Lando, sin Brüeder und de Mish spieleds jede verfiggti Tag!!!
es macht mich hässig do sie darum nüme BF spieled

ich hans kauft wegem Gruppedruck und i hans mit 2h welle schön rede...aber ich haltes ned us!!
scheiss crafting games, isch halt wie Minecraft Abfall!
es gsehd teils sehr super us, teils au mega wüescht!
für mich isches s'Abbild vo LANGEWEILE

Wenni de Ländo und de Döme s'nächste Mal gsehne, hau ich ne lings und rechts paar ad Ohre!

Den chömeds wieder zur Vernunft!

[Bejita]

Intressiert mi eigentlech ou das Game, aver i warte lieber no es paar Patches ab

[TypeJ]

für Mensche ohni Job, Lebe und Fründe isch das perfekt!

[Buccaneer]

Ha ez paar Videos glueged. Ich finds no rächt geil. Muss mal eine vo de Fündesliste wo das spielt ahaue. Viellicht chli shared Play inegügsle und so. Chönnt no rächt lustig si, wenn mer en Gruppe hed und gemeinsam spielt.

[Bejita]

für Mensche ohni Job, Lebe und Fründe isch das perfekt!

Ig ha nüt vo däm

[The Sheep]

Intressiert mi eigentlech ou das Game, aver i warte lieber no es paar Patches ab

Aktuell sinds bi Patch 252
Ufem PC gits das Game scho mehr als es Jahr

[Buccaneer]

PC Juni 2015 oder so. Uf PS4 gids es sit Afangs Dez. Aber offizielle PS4 release isch glaubs Februar 2017
Hmmm, warte no en Wuche, und wenns denn vo de Fründe immer no gspielt wird, tuen mers öppe au zue.

[Grisu]

Das wird au uf de böx scho über es johr zockt. Han gmeint ech sig de einzig wo das scheisse findet. Beruhigend..

Het aber was guets, weil wäg all dene unfertige güselgames mit 1000 patches zocki öfters retrogames.

[Skeletor]

ich hans au kauft gha am wuchäänd, es macht ebä rächt süchtig.

aber ich stirbe ständig. chume nirgends hi. und s'ständige ässä, trinke etc isch en huere stress. ich müesst en dino dressiere, dämit ich mal chli chönnt umereise.
und dänn verlürsch jedesmal dis ganze inventar. han jetzt mal ä strohhütte baut und ä chischte dri tuä, so hani bitz vorrät und muäss ih dä nacht nöd früüre. aber ich würd gern chli go umereise.

spielets diä andere uf dä ps4 mitenand? klappet das guät?

[Skeletor]

und eimal wo ich dringend fleisch und läder brucht ha und endlich en bitzli grössere (natürlich immer na zchli) dino umbracht ha, chunnt so ä verfiggti rieseschlange und frisst mir alles wäg und verfolgt mich bis an strand abe.

mit kollege wär das sicher super, dä chasch enand chli hälfe und au mal grösseres töde.

[Master(G)]

rucklets?

[Skeletor]

grafisch isch es sicher nöd s'bescht spieli, aber ruckle tuäts nöd gross.
zudem sötts glaub rächt vo dä pro profitiere. und ich han ja "nur" ä normali ps4.


han mal d'map probiert, wo mä ih dä wüeschti isch. läck mir, ständig häsch zheiss. wasser gfindsch fascht kei und diä verdammte scheiss insekte.

[Skeletor]

ich würd das gern mit mehrere zämäspiele. zämäschaffe. ich glaub, dänn wirds huere geil. zämä ä basis ufbaue, zämä gah dwält erkunde. ich glaub das wär uhuere super.

im moment bini mit steiaxt und speer unterwägs. spöter häsch ja sogar schusswaffe. und chönntsch dinosaurier riite (oder flüüge). huere super.

[Master(G)]

allei stell ich mir das spiel huere müehsam vor...

[Skeletor]

isch so.
trotzdem dänksch: ah bald en neue level, nachher chani endlich mal wänd ah dhütte mache. oder endlich ä schlaueri waffe mache.
oder endlich än verdammte wasserschluch, dämit au mal bitz umereise chasch.

es macht dich kontinuerlich bitz besser. und durch das chunntsch immer bitz wiiter.
und wenn diä videos im netz gsehsch, isch halt scho uhuere viel möglich.

[Master(G)]

tönt äbe eigentlich scho no luschtig, für so mit fründe........

....

und äbe, grafik muess ned die bescht si, demits mir gfallt, es dörf eifach ned ruckle. ich hasse das!

[Skeletor]

erkundigsch dich mal bi eim wo d'pro hät.

ich probier grad mini kollege züberrede, wird aber wohl nix werde. das game isch für diä meischte z'umfangrich.

[zeromeier]

problem isch glaub tatsächlich, es isch eis vo dene spiel wo ändlos sind und extrem viel ziit frässed.

[TypeJ]

mini kollegeas spieleds wie blöd...sie hend mehreri TRex, etz au no en Megalodon (riese Hai), alles zähmt als Huustier

trotzdem wärs mir zlangwielig!
aber ebe, für Crafting Lüüt wo Dinso geil finded isches glaub de Himmel uf Erde