The(G)Forum

Verfasst: **16 Apr 2018 13:35**

Master(G) hat geschrieben:ich bemängle bitz s'lock-on system, s'viele backtracking (mangels schnellreise-option, wo erst quasi am schluss vom game bechunsch) und die viele wiederholige bi de mini-bosse.

lock-on system: wenni scho en sohn ha wo mir söll de rugge frei halte, de müessti das besser si. vor allem bi agriff vo usserhalb vom bildschirm, müesst de selber checke, wenn ich ihm en befehl gibe, welle er agriffe söll, nämlich de, wo mich grad bedroht! damit ich mich um das kümmere chan, wo vor mir isch... und ned en andere, wo absiits staht und ned grad gföhrlich wird... wenni erst selber kamera muess drehe, zum uf de typ ziele, de chanen ja grad selber agriffe... de wirsch öfters dumm troffe, was bi dem schwierigkeitsgrad gern mal de tod bedütet.

guet, chasch uf easy spiele, de isch es aber viel zeifach und das macht au kein spass...

backtracking: es isch en semi-open world. en fantastischi! mit tonnewiise collectables und rätsel und und... da will mer gern erkunde und alles go aluege. spiel zwingt dich aber dezue erst mal de hauptstory zfolge, wenn mer ned chan schnellreise bis churz vor em änd... isch bitz kontraproduktiv.

und zu de bossfights: es gitt nur wenigi, grossi bossfights, wo monumental sind! früener hetts viel meh derig gäh... defür gitts 10x de gliich mini-boss, eifach mit eme andere skin (füür, iis, gift, etc.)... bitz läme...

aber äbe. es isch au so de knaller. es wär aber es perfekts game gsi ohni die fehler. es 100/100 wär perfekt. darum nur 97

Tönt fair! Btw "nume" 97

Verfasst: **17 Apr 2018 20:51**

Alcom hett hött verscheckt!

Verfasst: **18 Apr 2018 09:46**

Andy hat geschrieben:Alcom hett hött verscheckt!

Zeig liferbestätigung!

Verfasst: **18 Apr 2018 10:50**

wog au

Verfasst: **18 Apr 2018 11:09**

grappagott hat geschrieben:wog au

Au grad gseh, morn Abig gahts ab!

Verfasst: **18 Apr 2018 13:09**

friitig frei gna

Verfasst: **18 Apr 2018 13:14**

thaeye hat geschrieben:friitig frei gna

ich au.. morn UND übermorn!

Verfasst: **18 Apr 2018 15:33**

Master(G) hat geschrieben:
thaeye hat geschrieben:friitig frei gna
ich au.. morn UND übermorn!

Ihr Schweine!!!

Wot au!

Verfasst: **19 Apr 2018 21:07**

Es isch so geil! Het mi grad packt!

Ich muess au grad in Axt-Wurf-Club!

Verfasst: **20 Apr 2018 20:19**

Aso de ersti Idruck isch immer no super. Bin jetzt bim erste Upgrad-Typ cho. Aber was würkli nervt isch dÜbersicht wo bi de Kämpf flöte gaht. Das isch bi de alte Teil viel besser gsi.

Verfasst: **20 Apr 2018 21:20**

ich finds 1A, was vom beste woni bisher gspielt han. da passt alles uusert es paar chlinigkeite im kampfsystem und i sache orientierig.
begeisteret.

Verfasst: **21 Apr 2018 06:18**

isch ja wohl de oberwitz mitem nöd-full-screen shizzle oder?!?

http://www.powerpyx.com/god-of-war-2018 ... creen-fix/" onclick="window.open(this.href);return false;

Verfasst: **21 Apr 2018 09:42**

Lone Wolf hat geschrieben:isch ja wohl de oberwitz mitem nöd-full-screen shizzle oder?!?

http://www.powerpyx.com/god-of-war-2018 ... creen-fix/" onclick="window.open(this.href);return false;

nur bide normal odr o PS4 Pro?

Verfasst: **21 Apr 2018 10:42**

normali

Verfasst: **22 Apr 2018 08:58**

wo genau isch eigentlich "god of war ascension" idsglidere ir story line? Chunnt das nachem 3 ? isches psp remake oder eigeständig?

Verfasst: **22 Apr 2018 18:16**

Reinforced hat geschrieben:wo genau isch eigentlich "god of war ascension" idsglidere ir story line? Chunnt das nachem 3 ? isches psp remake oder eigeständig?

Es spielt vorem erstä Teil so viel mir isch

Verfasst: **22 Apr 2018 18:21**

Das huere Game isch dr oberwahnsinn, es isch eifach nume verdammt huere guet. Z Kampfsystem isch Göttlech! Viu besser aus i dä aute teile! Und unübersichtlich isches villech mängisch aber für das het mä ja ou d pfili wo eim d Gfahre azeigt, ha its nie problem gha. Dr Axt wurf und dr charged R2 Agriff si so huere verdammt befridigend! Ganz sicher Goty, egau wie guet RDR2 wird. GoW isch dr neu Standard für Action Adventures mit Rollespiel iflüss. Schad wot dr Cory öbis neus mache. Sony git immer sicher ohni nache z dänke Budget für e neui Franchise

Verfasst: **23 Apr 2018 07:31**

ich bin sitt 11 stund im end-game. valyries abeglah. challenges im lava-level gmacht. niflheim (armor) gmacht. aber ich han immerno kein zuegang zu asgard. dlc?? oder hani was verpasst??

tipp: wenn dure bisch mit de story, muesch mal zrugg i dis hüsli gah und go penne! gitt en chlini cut-scene wo was grosses akündiget!

Verfasst: **23 Apr 2018 11:37**

Du hesch gloub kei Zuegang zum Asgard DLC wüäu SMS dä DLC no nid mau entwicklet hei

Ha ou aues gmacht, mues nume no es paar rabe abe chlepfä und es paar collectibles sammle när hani 100%
Ja d Sequänz hani gester ou gseh per Zuefall, ha dänkt das villech no öpis im hus isch zum sammle

Its isch eifach die grossi Frag wär z 2 macht? Cory wot e neui IP mache, und Sony laht ihn sicher, auso wäre d SMS usglaschtet. Dr Stig isch nüm ume, und dr Jaffe isch zwar dr Erfinder vo GoW und het scho immer es RPG wöue drus mache, aber dä chame gloub für nüm bruche im Momänt. Drawn to Death isch eifach nume scheisse gsi, und när heter grad sis Studio müesse istampfe.

Verfasst: **23 Apr 2018 22:50**

Leider hüt nami scho d platin ghout und 100% im Game

Es huere guets Game, genau wäge serige Games bini nach wie vor e Playsi Fanboy

Verfasst: **24 Apr 2018 05:19**

Wie höch isch de Widerschpilwärt wemmer 100% het?

Verfasst: **24 Apr 2018 07:08**

...null bis ned sehr gross... ich mein wenn 100% hesch, hesch sicher 50+ Stunde gspielt. Stellt sich de scho en gwüssi Sättigung ii....

ABER: es chunt bestimmt no Story-DLC für ds Ding... da bini fascht sicher!

Verfasst: **24 Apr 2018 09:21**

Wird das äch s erscht ps4 spiel woni kauf und spiel? Eventuell ebbe scho

Verfasst: **24 Apr 2018 09:30**

evo hat geschrieben:Wird das äch s erscht ps4 spiel woni kauf und spiel? Eventuell ebbe scho

isch es auns spieli, manne und ihre hass!

Verfasst: **24 Apr 2018 09:32**

Bisch au debii?

The(G)Forum

God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)

Re: God of War (5)