The(G)Forum

Schad häts kein PSVR Support, dänn würdi mir das game für d'ps4 inkl. VR grad hole

spielt das öper online mit kollege im coop?
wiä funktioniert das? jede hät es schiff? teilwies cha mä au im gliche schiff spiele, oder?

Gaht beides. Wenn mer chli es grössers Schiff hed, chönnt mer mit Fründe im gliche Schiff flüge. Eine flügt, de ander bedient Kanone etc. Da isch glaubs chli Nachteilig, dass de Pilot (Schiffbsitzer) um die 90% vo de Kopfgelder kassiert und de Co-Pilot halt de Rest.

Zäme chan mer mit bis zu drü andere Schiff en Wing bilde. Wird oft au spontan gmacht well: Bim Chopfgäldjägere bechunnt de de Cash, wo die letschte Hits erzielt, bevor de Gägner kaput gaht. Aber ime Wing bechömmed alli d Belohnig. Darum tüend sich d Lüt amigs ime gwüsse Gebiet eifach random schnell zu Wings zäme schlüsse, damit all d Belohnig bechömmed. Im Startgebiet isch es halt oft so, dass denn irgendwie 10+ Spieler umeflüged. Da erhöts eifach dini Chance, au was z kassiere.

geil, merci für d'infos.

evtl. chaufis dämfall glich na für d'ps4, wenns dä brüeder scho hät. so chönnte mer chli mitenand unterwägs si.

Wie isch das bi Eu so? Mir passierts immer wieder, dass ich äs Ziel überschüsse. Au wänn ich min Schub sofort uf 0 setze, wänn d'Mäldig chunt, langets nie.

Ja scho oft so. Lug mal uf dini Gschwindigkeit. Wenn dete mit 30c und meh inebrätterisch, wird das nix.
Aber anstatt scho viel früehner afa brämse eifach Vollgas druffhebe, dra verbi schüsse und denn en Looping mache. Well du musch sust scho relativ früeh afa brämse. Die Technik vom "überschüsse" möched relativ viel Lüt.
Was au chasch mache:
Meistens sind dini Landeplätz ja i de nöchi vo Sunne, Planete oder andere masseriche Objekt. Benutz dene ihri Gravitation zum brämse. z.B. anstatt vo usse aflüge, probiere zerst ganz nöch am Planet verbi flüge, de brämst di enorm. Ich wür eh immer probiere zwüsche Station und Planet inezflüge, well de Igang vo de Station i de Regel zum Planet lueged.
z.B. Wenn e Ressourceplatz ime Ring aflügsch, flüg nöch überem Ring zu dere Stell. D Masse vom Ring wird die au brämse.

Afängertipp für fast cash:
Mach Bounty Hunter. Gang ines System wo's en Planet mit Ring hed. I dene Ring gids Ressourceabbau plätz. Suech es Plätzli wo s Ressourvorkommen höch deklariert isch. Suech en Gruppe vo Sicherheitschräft und folg dene. Tuen all Schiff i de Umgäbig scanne und suech nach dene wo wanted/gesucht sind. Wart bis d Sicherheitschräft sones Schiff agriffed. Griff s gliche schiff a. Wenn kei anderi Spieler beteiliged sind, bechunnsch s Chopfgeld. Wenns mehreri Spieler umehed, probier die ine Wing ilade, so dass alli d Belohnig bechömmed. Mit em Afängerschiff (SideWinder) wettsch nid allei in Kampf, also immer de Sicherheitschräft aschlüsse undwarte, bis die agriffed.

- Ufpasse, dass nid us versehe uf d Securtiy schüssisch.
- Regelmässig id Station go Belohnig abhole, denn wenn stribsch, verlürsch alles.
- Deathwarrant Scanner mitnäh und s Ziel vor em Abschuss scanne (d Belohnig wird so möglicherwis erhöhrt)
- Luege, öb de Gägner ime Wing isch. Wenn wettsch allei agriffe, aber de Gägner isch ime Wing, hesch denn nid eine gäg dich, sondern halt zwei oder drü Schiff.
- Schnapped dir ander immer d Belohnig wäg? Spring ein, zwei System witer und suech wider en Planet mit Ring. Sobald ein zwei Sprüng vom Afangssystem (Asellus Prime) wäg machsch, bisch meistens allei.

So chunnsch relativ schnell an es paar Millione Credits und chasch dir denn es neus Schiff chaufe und dich uf dini Rolle besser vorbereite, sig das witerhin Chopfgeldjäger oder Händler oder what ever.

Wichtigschti Regle vo däm Game: Lueg dass immer mindeschtens soviel Cash hesch dass d'Versicherig vo dim Schiff no chasch zahle, falls es schlissisch.

und au no ä wichtigi Regle isch, lueg das immer gnueg Triibstoff häsch.. geschter bin ich tatsächlich hange blibbe :-/ Het mich öppe 80 Tag kostet, bis zum nöchste Depot

resuscitation hat geschrieben:und au no ä wichtigi Regle isch, lueg das immer gnueg Triibstoff häsch.. geschter bin ich tatsächlich hange blibbe :-/ Het mich öppe 80 Tag kostet, bis zum nöchste Depot

what? was genau passiert dänn?

Always Be Fueling Or Gonna Kill Myself

Das sind alli Stärnetype wo chasch tanke mit em Fuel Scoop

Skeletor hat geschrieben:

resuscitation hat geschrieben:und au no ä wichtigi Regle isch, lueg das immer gnueg Triibstoff häsch.. geschter bin ich tatsächlich hange blibbe :-/ Het mich öppe 80 Tag kostet, bis zum nöchste Depot

what? was genau passiert dänn?

dänn bisch ä sitting duck.. han aber ime Tutorial gläse, das es ä Hilfstruppe git, wo ime sone Fall chunt go hälfe

The Sheep hat geschrieben:Always Be Fueling Or Gonna Kill Myself

Das sind alli Stärnetype wo chasch tanke mit em Fuel Scoop

Han ich bi mir scho als Filter so gsetzt

KGB FOAM (Putin Schaumbad)

resuscitation hat geschrieben:

Skeletor hat geschrieben:

resuscitation hat geschrieben:und au no ä wichtigi Regle isch, lueg das immer gnueg Triibstoff häsch.. geschter bin ich tatsächlich hange blibbe :-/ Het mich öppe 80 Tag kostet, bis zum nöchste Depot

what? was genau passiert dänn?

dänn bisch ä sitting duck.. han aber ime Tutorial gläse, das es ä Hilfstruppe git, wo ime sone Fall chunt go hälfe

FuelRats
https://www.fuelrats.com/" onclick="window.open(this.href);return false;

Und hie no en guete Planer für Handelsroute:
https://eddb.io/" onclick="window.open(this.href);return false;


Skeletor wenn dir das Game chaufe wottsch, mach dir sälber en Gfalle und lueg s einte oder andere Turtorial jetzt scho a

Es guets Tool zum berächne vo Nutze und Choschte vo Schiffusrüschtige:
http://www.edshipyard.com" onclick="window.open(this.href);return false;

hüt häts mi scho zwei Mal usem Game usegschmisse, well plötzlich d'Verbindig zum Server wäg gsi isch,.. händ Ihr sowas au scho erläbt?

ja, gits mängisch. meischtens wenns grad en neue patch ufgschpilt händ

Langsam land und start ich scho blind ^^ Hät aber scho äs momentli brucht, bis ich das kapiert han

Findi au wichtig. Han jedefalls mehr Unfäll gha mit em Docking Computer, als wenn i vo Hand glandet bin. KI chan eifach mängisch nid rächtzitig reagiere wenn en andere Spieler es unerwartets Manöver macht. Uf der andere Site versuecht de Docking Computer ebe genau derigem usem Wäg zgo und het mängisch ewigs bis er sich entschliesst in d'Rumstation inezfliege. Langfrischtig gohts lande vo Hand schnäller und isch cooler. Au wenni mängisch de Wiener Walzer (natürlich en Homage an Kubrick, schliesslich gseht de "Briefchaschteschlitz" fascht glich us wie in 2001) vermiss. De chunnt ebe nur wemer de Docking Computer verwändet.

Hed sich öpper vo eu anere minor faction agschlosse?

Jetzt hani endli bizz Cash zäme und fang öppe nöggstens mit handle a. Irgendwelchi Tipps, um Pirate z umgah? Viel Händler verzichtet uf Schild zum meh Lagerrum z ha. Aber denn bisch ja rächt wehrlos... Oder langeds, wenn i de Laderum voll han, wenn i ame NPC Pirat eifach ein Einheit vor d Füess wirf und abhaue?

ufs Schild verzichte würd i nid. Abhaue chasch natürlich versueche. Überläbenschance hanget devo ab ob bitz gäld in Thrusters etc inveschtiert hesch. Wenn interdicted wirsch versuechsch di zbefreie mit Gegestüre. Wenner di trotzdäm useholt in normae Ruum, boostisch mit Vollgas devo bis de Cooldown vom Hyperjump wieder verfügbar isch. Und denn jump

dä brüeder und ich händ wölle mitenand spiele.

spiel gstartet als private gruppe. beidi sind im gliche spiel gsi. isch aber es ziitli gange, bis mir usegfunde händ, wiä mir änand chönnt uf em radar gseh. das hämmer dänn au anebracht.
aber was mir nöd gschafft händ: mir händ üsi raumschiff nöd gseh. zwar zielmarkierig und alles. aber mir chönnt bis 5 meter zunenand aneflüge und trotzdem isch da eifach nüt. wieso das?

und wiä macht mä mitenand am beschte ufträg? muäss jede selber dä glich uftrag uswähle und dänn müend en beid separat erledige? oder wiä lauft das?

The Sheep hat geschrieben:ufs Schild verzichte würd i nid. Abhaue chasch natürlich versueche. Überläbenschance hanget devo ab ob bitz gäld in Thrusters etc inveschtiert hesch. Wenn interdicted wirsch versuechsch di zbefreie mit Gegestüre. Wenner di trotzdäm useholt in normae Ruum, boostisch mit Vollgas devo bis de Cooldown vom Hyperjump wieder verfügbar isch. Und denn jump

Chaff/Düppel
Punkverteidigung
etc.

Was würsch da empfehle? Letschti hed mi en Eagle usem Frameshit zoge. De hani natürli gad abgschosse

Skeletor hat geschrieben:dä brüeder und ich händ wölle mitenand spiele.

spiel gstartet als private gruppe. beidi sind im gliche spiel gsi. isch aber es ziitli gange, bis mir usegfunde händ, wiä mir änand chönnt uf em radar gseh. das hämmer dänn au anebracht.
aber was mir nöd gschafft händ: mir händ üsi raumschiff nöd gseh. zwar zielmarkierig und alles. aber mir chönnt bis 5 meter zunenand aneflüge und trotzdem isch da eifach nüt. wieso das?

und wiä macht mä mitenand am beschte ufträg? muäss jede selber dä glich uftrag uswähle und dänn müend en beid separat erledige? oder wiä lauft das?

Das tönt eher nach eme Bug. Oder ihr hend no en SideWinder. De isch so chli, gsehsch halt würkli fast nid
Hend ihr en Wing bilded? Han das bis jetzt erst bim Bountyhönterle gmacht. Darum weiss i wäg Missione nid. Chönnt mir aber vorstelle, dass jede d Mission chan awähle. z.B. liefere Daten von hier nach da. Nime a, dass beid die Mission chönnd wähle (aso jede einzeln) und denn zäme mache. Da si jede agno hed, chan si au jede abliefere.