de HELM!!!!

Game-News, neueste Gerüchte, Spiele-Talk!

Moderatoren: Master(G), zeromeier

Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

Bild

Für Oculus und Vive. Und gratis für Bsitzer vom Originalspiel uf Steam.
Was i so gläse han uf Reddit, sind Spieler zimlich happy mit der Umsetzig für VR.
Jetzt machts Zing in der Schüssel!
Benutzeravatar
Drachenherz
Hardcore Gamer
Hardcore Gamer
Beiträge: 483
Registriert: 29 Aug 2013 17:05
Wohnort: Goldküzze
Kontaktdaten:

Re: de HELM!!!!

Beitrag von Drachenherz »

The Sheep hat geschrieben:Ich gsehs cho. Ich wirds eh chaufe, egal ob d'Reviews begeischteret sind oder nit. Skyrim isch eifach es mega Game. Ich träum devo das im VR zspiele sit ich de Huet s'erscht mol ufgsetzt han.
Genau das!
Benutzeravatar
Drachenherz
Hardcore Gamer
Hardcore Gamer
Beiträge: 483
Registriert: 29 Aug 2013 17:05
Wohnort: Goldküzze
Kontaktdaten:

Re: de HELM!!!!

Beitrag von Drachenherz »

Üntogens... fanatical.com, en Steam Key reseller wo die Keys en gros vo de publisher abkauft, hät skyrim für 51 $ anstatt CHF 67.— wie uf em Schwiizer steam shop im Aagebot.

Und ja, verchauf id schwiiz gaht, han‘s mer grad via Paypal kauft. De key chunt jedoch erst es paar täg vor release oder sogar erst am Release-Tag. Und falls es e verarschi sötti gsi sii, dank paypal käuferschutz isch das rel. Sicher.

Da dä direktlink, hoffe das verstosst nöd gäge irgendwelchi foren-regle, susch eifach säge:

https://www.fanatical.com/en/game/the-e ... -skyrim-vr" onclick="window.open(this.href);return false;

Edit:
Da e diskussion uf steam über d‘seriosität vo fanatical.com:

https://steamcommunity.com/discussions/ ... 163731004/" onclick="window.open(this.href);return false;

Zämefassig: sind zueverlässig und seriös.
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

findi guet, aber denn hesch s'Steam Refund Rächt nit, oder?
Jetzt machts Zing in der Schüssel!
Benutzeravatar
Drachenherz
Hardcore Gamer
Hardcore Gamer
Beiträge: 483
Registriert: 29 Aug 2013 17:05
Wohnort: Goldküzze
Kontaktdaten:

Re: de HELM!!!!

Beitrag von Drachenherz »

Genau, leider kei refund recht via steam, und bi fanatical nur sehr beschränkt (also praktisch keis).

Bi Skyrim gang ich das risiko ii. Also inhaltlich isch ja klar, dass es mer gfallt. Und technisch dänki, sött‘s okay sii, und allfälligi bugs sötted au gli usgmerzt werde - bi Fallout 4 VR isch‘s für viver zimlich zügig gange (für Riftler nöd, isch ja aber au nöd offiziell unterstützt gs).

Ich freu mi uf jede Fall wie blöd druff. Die open world in VR z‘durstreife... :sabber:
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

Jetzt hani mir mol New Retro Arcade Neon agluegt. Isch en Klassiker wo scho lang dusse isch.
Es umfangrichs Tool, wo eim sini eigeti Traumspielhalle im 80er Jahr Stil losst irichte. Und extrem detailverliebt mit vielne nötige und unnötige Acessoires. Erinneret mi anes Projäkt won ich vor vielne Jahre als interaktive CDROM zum Thema 80er Jahr Italo Horror Kino agfange han.

Grad vorwäg: Es isch nüt womer in 5 Minute igrichtet het, aber wenn alles lauft, chasch in New Retro Arcade Neon im VR dure Spielhalle im Jugihuus Stil durelaufe mit all dene Automate wo du liebsch, und du channsch sie au tatsächlich spiele. Sälbscht Lightgun Shooter Spieli sind dank VR realistisch realisierbar!

Het au no es paar anderi Games ume wie zb Bowling Bahn, Box-Automate und Hammerspieli.
Witer gits Ghettoblaster und Radios wo Musik spielet, en Ufenthaltsruum mit dräckige Pizzaschachtle etc. wo Konsolegames chasch zöckle. zB en Gameboy ligt ume, denn hets glaubs es Super Nintendo womer ufme TV Grät chann game. Und ime witere Ruum gits sogar es chleins Kino wo VHS Kasette abspielt. Wirkt alles sehr authentisch mit altem analog Beamer mit unscharfe Ränder und Farbverschiebige. Sälbscht s'liecht vom Beamer reflektiert uf gwüsse Möbel. Natürlich chamer Musik, Konsole Games, und VHS Kassette (zB via youtube links oder lokal als mp4, mkv oder avi) alles sälber konfiguriere. Sälscht weli Poschter an de Wänd zeiget wärde chasch beschtimme.

Da isch wirklich öpper dehinter gseh wo richtig ufgange isch bim Entwärfe vo däm Programm.


Quelle
ca. ab 1Min42


Falls ihr euch fraget ob sich das Game lohnt um ärntschthaft Retro Games z'zöckle muess i sage ich weiss es nit.
Dass es für PCB Sammler mit original Cabs kei Alternative isch, darüber gits glaubs nüt zdiskutiere.
Aber ich bin dennoch positiv überrascht gseh wie authentisch es sich afühlt wemer es Arcade Game uf die art im VR spielt. Wil du stohsch halt wirklich am Automat. Jedefalls hets mir dütlich mehr Laune gmacht als MAME ufem Desktop Monitor. Stürig isch natürlich no es Thema. Es funktioniert mit Touchcontroller, und au da zwar besser als erwartet. Aber wenn ich die Games würd ärnschthaft zöckle welle, und nit nur 2-5 Minute aspiele, würd ich mir glaubs es vernünftigs Arcade Panel ufe Tisch stelle.

New Retro Arcade Neon isch nit tür, aber mer muess sich bewusst si, dass wemer will spiele ohni öppis konfiguriere, isches für nüt. Us Angscht vor Copyright Verletzige sind die Chäschte defaultmässig nume mitme fantasievoll abgänderete Titelbild verseh. Spiele chann mer erscht wemer das ganze Züg irichtet.

Es git aber es zimlich umfangrichs und choschteloes Kit vome Drittabiete (inklusive Youtube Tutorial) wo ein die ganze Emulatore, Film, Musik und Bilder eifach irichte loht. Es het Cabinet Arts und Demofilm vo ca 300 Arcade Games drin. Lediglich d'Game Roms muesch sälber uftribe. Und natürlich chasch grundsätzlich jedes Spiel ibaue (de intärni Emulator isch öppe vo 2014, vermuetlich MAME Ver. 0.159). Wenn also es Game möchtsch in dinere Spielhalle gseh wo de Autor vo däm Kit nit berücksichtigt het, isch das kei Hinderniss. Aber de muesch de ganz Garsumpel wo bruchsch demits Cab so usgseht wie du möchtsch, natürlich sälber uftriebe.
Dateianhänge
new-retro-arcade-neon-launch-8.jpg
Jetzt machts Zing in der Schüssel!
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

Ab dem 5. April kann man den Vive Pro vorbestellen für 800 Dollar.
Der Preis für den alten Vive soll auf 500 Dollar fallen.
Dateianhänge
Screenshot-442.png
Jetzt machts Zing in der Schüssel!
Benutzeravatar
Drachenherz
Hardcore Gamer
Hardcore Gamer
Beiträge: 483
Registriert: 29 Aug 2013 17:05
Wohnort: Goldküzze
Kontaktdaten:

Re: de HELM!!!!

Beitrag von Drachenherz »

Schäfli, 950.— binDigotec - fürs headset alleige!

Edit: https://www.digitec.ch/de/s1/product/ht ... le-7196933" onclick="window.open(this.href);return false;

Sorry HTC, SO NICHT!!!!

Mal luege wie Pimax 8k wird.
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

Drachenherz hat geschrieben:Schäfli, 950.— binDigotec - fürs headset alleige!

Edit: https://www.digitec.ch/de/s1/product/ht ... le-7196933" onclick="window.open(this.href);return false;

Sorry HTC, SO NICHT!!!!

Mal luege wie Pimax 8k wird.
Das sind halt Schwizer Prise wieder. 800$ söll der Pris sie wenns bim Härsteller vorbschtellsch.
Was heisst Headset only? Keini Tracker debi?

Ich wart au no. Has nit pressant. Und ebe, villicht isch der Pimax 8K interessanter
Jetzt machts Zing in der Schüssel!
Benutzeravatar
Drachenherz
Hardcore Gamer
Hardcore Gamer
Beiträge: 483
Registriert: 29 Aug 2013 17:05
Wohnort: Goldküzze
Kontaktdaten:

Re: de HELM!!!!

Beitrag von Drachenherz »

The Sheep hat geschrieben:
Drachenherz hat geschrieben:Schäfli, 950.— binDigotec - fürs headset alleige!

Edit: https://www.digitec.ch/de/s1/product/ht ... le-7196933" onclick="window.open(this.href);return false;

Sorry HTC, SO NICHT!!!!

Mal luege wie Pimax 8k wird.
Das sind halt Schwizer Prise wieder. 800$ söll der Pris sie wenns bim Härsteller vorbschtellsch.
Was heisst Headset only? Keini Tracker debi?

Ich wart au no. Has nit pressant. Und ebe, villicht isch der Pimax 8K interessanter
Für eus isch es 850 €, nöd dollar... edit: 879€!!!

Und ja, nur headset und breakout-box. Es sind KEI controller und KEI lighthouse boxe derbii.

E verdammti frechheit dä priis, sorry.

Edit 2: https://www.vrnerds.de/htc-vive-pro-ers ... -879-euro/" onclick="window.open(this.href);return false;
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

das sugt hert
Jetzt machts Zing in der Schüssel!
Benutzeravatar
Drachenherz
Hardcore Gamer
Hardcore Gamer
Beiträge: 483
Registriert: 29 Aug 2013 17:05
Wohnort: Goldküzze
Kontaktdaten:

Re: de HELM!!!!

Beitrag von Drachenherz »

The Sheep hat geschrieben:das sugt hert
Das suget affechugle! :head2wall:
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

fascht es Mill nur für en Upgrade vom Vive uf de Pro
Jetzt machts Zing in der Schüssel!
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

Xino, du bisch doch de Pionier bi uns wenn um Entwicklig goht. Hesch au es Mail becho vo Magic Leap? Ihr SDK isch ab sofort verfüegbar.
Jetzt machts Zing in der Schüssel!
Benutzeravatar
Pombaer
Hardcore Gamer
Hardcore Gamer
Beiträge: 676
Registriert: 11 Jan 2009 08:55
Kontaktdaten:

Re: de HELM!!!!

Beitrag von Pombaer »

Frächheit dä Priis, hoffentlich reagiert dr Markt entsprechend und si merkes säuber..
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

isch scho fräch. Vor allem wenn glaubhafti Teschter wo de Oculus Rift händ sage dass de Vive Pro gegenüber Rift nur minim besser wirkt, so dass sie kei Systemwächsel empfähle würdet.

Mir persönlich giengs eh mehr ums Tracking. Das WebCam basierte Tracking vom Ocler mit 3-4 unabhängige USB 3.0 Ports isch en zimlichi Belaschtig für de Computer. Das füehrt ab und zu zu Komplikatione bi mir. Und das wär für mi de Hauptgrund zum wächsle. Allerdings müesst de Vive vo de Controller und vom Display här mindeschtens so guet sie wie de Rift. Fürs Display wär ebe de Vive Pro en Kandidat. Bi de Controller hoffi uf en baldige Release vo uf kompatible Steam Controller mit Finger Tracking.
Zuletzt geändert von The Sheep am 19 Mär 2018 19:52, insgesamt 1-mal geändert.
Jetzt machts Zing in der Schüssel!
resuscitation
Hardcore Gamer
Hardcore Gamer
Beiträge: 1813
Registriert: 20 Dez 2012 17:54
Kontaktdaten:

Re: de HELM!!!!

Beitrag von resuscitation »

OK.. dänn wart ich wohl doch no chli
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

Wenns nit pressiert, würdi eh die finale Reviews vom Pimax 8k abwarte. 200 Grad Blickwinkel wär mega. Kei anders aktuells Headset het das. Du hesch de Huet a, und du gsehsch keini Ränder mehr links und rächts. I dänk das isch viel wärt - sofärn de Räscht verhebt.
Jetzt machts Zing in der Schüssel!
Benutzeravatar
Drachenherz
Hardcore Gamer
Hardcore Gamer
Beiträge: 483
Registriert: 29 Aug 2013 17:05
Wohnort: Goldküzze
Kontaktdaten:

Re: de HELM!!!!

Beitrag von Drachenherz »

Ich ziehne jetzt au ernsthaft es Pimax 8k in Betracht als nöchsts Headset. Guet isch, dass Pimax 8k sich i mmi i bestehendi Steam-VR infrastruktur iibinde laht - s‘verwendet s‘lighthouse tracking system, woni für‘s vive ja scho iigrichtet han.

Bin gspannt, ob‘s Pimax 8k öppis wird und nimm‘s jetzt ernsthaft uf dä Radar. (Isch übrigens nöd echt 8k, sondern 2x 4k)
Benutzeravatar
Drachenherz
Hardcore Gamer
Hardcore Gamer
Beiträge: 483
Registriert: 29 Aug 2013 17:05
Wohnort: Goldküzze
Kontaktdaten:

Re: de HELM!!!!

Beitrag von Drachenherz »

Was au no ganz e spannendi entwicklig isch sind standalone headsets, also HMDs, wo dä rechner scho i dä brülle selber isch. Qualcomm isch mit sine Snapdragon Prozis rächt wiit vorne derbi i dä entwicklig. Die entwicklet e referenzplattform mit em Snapdragon SoC. Mittlerwiile isch‘s entwicklerkit vo dä dritte generation n Snapdragons duss, Snapdragon 845, und das büütet unterstützig für höcheri uuflösig, 6 DoF inside-out tracking (also bewegig im Ruum a la rift und vive), eyetracking (inkl. Foveated rendering) und no es paar gspäss meh.

https://www.computerbase.de/2018-02/qua ... plattform/" onclick="window.open(this.href);return false;

Wird ziemlich geil, insbesondere mit em foveated rendering. Das bedüüted, dass dörte, wo mer here lueget, s‘bild in höcher uuflösig dargstellt wird (also dörte, wo mer vo natur her scharf gseht) und d‘peripherie drum ume in niedrigere uuflösig, also weniger rechenintensiv.

Das wird wohl es grätli werde, woni mer chaufe werd!
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

Tombraider I-III VR sind leider canceled worde. Isch dummerwis nit offiziell gseh, und Square Enix het öppis dergege gha :lol: :typej:

Mage's Tale gits jetzt offiziell in Steam au für de Vive. Chas nume empfähle!

Sit gescht isch übrigens ARK Park duss.
Ich wünschti, ich chönnt nur positivs drüber brichte, aber das isch leider nit so.
Has nach 60 Minute Spielzit wieder refunde lo.
Mis Fazit:
Grafik und Atmosphäre sind guet.
Animatione: Alles isch scripted! Du fahrsch vo A nach B mit em Zug dure Park und du wirsch jedesmal an der exakt gliche Stell en Dino gseh wo jedesmal genau sgliche macht. Das zieht sich durchs gsamte Spiel. Du hesch konschtant s'Gfühl ime Disney Theme Park mit mechanische Roboter (Animatronics) zsi, wo d'Viecher nur die Bewegige mache wo programmiert sind. Du chasch in Ark Park Stei nachme Crocosaurier schmeisse. Er chunnt uf dich zue, risst d'Schnurre uf und schmwimmt wieder witer... jedes mal. Es git kei Gfahr, kei Möglichkeit en anderi Reaktion z'provoziere, nix .... :|

s'Spiel sälber isch ebefalls zimlich mau. 5 Exploration Locations, es Dino Museum und en Ort womer Dinos chann brüete. Es git zb keini Baby Dino Modäll. En junge Triceratops isch eifach es uf Mini skalierts Modäll vome alte Tricaeratops und sälbscht wenns Ei ufbricht isch genau das Modäll dine :typej:
Jetzt machts Zing in der Schüssel!
resuscitation
Hardcore Gamer
Hardcore Gamer
Beiträge: 1813
Registriert: 20 Dez 2012 17:54
Kontaktdaten:

Re: de HELM!!!!

Beitrag von resuscitation »

The Sheep hat geschrieben:Wenns nit pressiert, würdi eh die finale Reviews vom Pimax 8k abwarte. 200 Grad Blickwinkel wär mega. Kei anders aktuells Headset het das. Du hesch de Huet a, und du gsehsch keini Ränder mehr links und rächts. I dänk das isch viel wärt - sofärn de Räscht verhebt.

Also so beruuschend schiint Pimax 8K i dä Praxis dänn doch näd z'sii, wänn mr dä Teschtbricht Glaube schänke därf

https://www.heise.de/newsticker/meldung ... 39646.html" onclick="window.open(this.href);return false;
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

Ich wart mol ab bis er duss isch. Heise Reviews händ nid so en guete Ruef weni mir Kommentarspalte alueg. Dört stoht zB au dass das Modäll wosi an der CES zeigt hän, technischi Problem gha heig und schlächter gseh isch, als das vorhär. Aber ich channs nit beurteile. Sind villicht au Fanboys wo vorbschtellt händ.

Aber de Teschter wo de Pimax an dere früenere Mäss usprobiert het, halti für sehr kompetänt. Er isch en Vive Fan, und er het weder Bewegigslags no Ungenauigkeite im Handtracking feschtstelle chönne:

https://www.youtube.com/watch?v=93Fd8atublU&t=152s" onclick="window.open(this.href);return false;
Jetzt machts Zing in der Schüssel!
Benutzeravatar
The Sheep
VIP-Member
VIP-Member
Beiträge: 4493
Registriert: 06 Okt 2010 23:37
Kontaktdaten:

Re: de HELM!!!!

Beitrag von The Sheep »

Hüt zum erschte mal From Other Suns mitme RL Kolleg coop gspielt. Shit isch das geil. Genau so stell ich mir es Coop Game vor in VR.
Macht richtig Freud. Und mol es Studio wo Vollkörper 3D Modäll anebracht het wo nit nur als NPC sondern au als Playermodäll glaubhaft funktioniere!

So gseht das us (nit mis Video, aber um sich das öppe vorzschtelle langets glaub):

Quelle
Jetzt machts Zing in der Schüssel!
Benutzeravatar
Drachenherz
Hardcore Gamer
Hardcore Gamer
Beiträge: 483
Registriert: 29 Aug 2013 17:05
Wohnort: Goldküzze
Kontaktdaten:

Re: de HELM!!!!

Beitrag von Drachenherz »

Skyrim VR für de PC isch da!

https://vrodo.de/oculus-rift-htc-vive-s ... tert-fans/" onclick="window.open(this.href);return false;

Sehr gueti Umsetzig, lauft uf enere GTX 970 flüssig, es paar Bugs vorhande (logisch, Bethesda), Oculus Unterstützig isch da und sehr guet! Mods werdet unterstützt!

Werd‘s hüt abig intensiv uf de Vive aazocke, yeah!
Antworten

Wer ist online?

Mitglieder in diesem Forum: Amazon [Bot] und 9 Gäste